Klage på eit vedtak i ei bygge-eller delingssak

Har du som søkjer fått eit vedtak som du vil klage på?

Klagefristar

Fristen for å klage er tre veker frå vedtaket vart levert i postkassa eller på e-posten din.

Slik klagar du

• Vi har ikkje eit eige skjema for å sende ein klage. Klagen sender du i eit vanleg brev til oss.
• Klagen må vere skriftleg. Du må vise til vedtaket det vert klaga på og kva endring du ønskjer i vedtaket.
• Klagen sender du på e-post til postmotak@modalen.kommune.no eller med post til postboks 44, 5732 Modalen
• Du må poste klagen før fristen går ut.

Kva kostar det?

Det kostar ingenting å klage på eit vedtak.

Kva skjer vidare?

• Når du sender klagen, vil du motta eit brev som stadfestar at vi har mottatt klagen din.
• Dersom du har bedt om utsett iverksetting av vedtaket, vert det vurdert av kommunen.
• Dersom det er fleire partar involvert, så vert klagen sendt til partane med frist for å gi kommentarar til klagen.
• Vi vurderer klagen og kan endre vårt vedtak.
• Vi behandlar klagen din innan tolv veker. I saker der vi har gitt utsett iverksetting av vedtaket, er fristen seks veker. 
• Dersom vi ikkje godtar klagen, sender vi klagen vidare til politisk behandling i kommunen.
• Dersom klagen ikkje blir godkjent, blir klagen videresendt til Fylkesmannen i Hordaland for behandling. Fylkesmannen skal behandle klagen innan tolv veker.

Kva seier lova?

• Plan- og bygningsloven § 1-9
• Forvaltningsloven kapittel VI