Kjære sambygdingar!

Tida nærmar seg 17.mai! Her kjem program for dagen. I år har me diverre ikkje korpsmusikk i toget, og endrar difor litt på postane i programmet.

Dagen startar med samling i kyrkja kl. 11.15. Der får me m.a. høyra Modalskoret!

Etter kransnedlegginga går toget rundt "nullen" og attende til Mo.  Artur har lova å stilla med hesten, og me spelar  korpsmusikk frå ein cd-spelar. Her håper alle vil bidra til eit bra tog!

Samlinga i sentrum etterpå vert som tidlegare, med diktlesing, leikar og tale for dagen. I år er det Anneli Farestveit frå 10.klasse som skal tale til oss. Me gler oss til å høyra ungdommen si røyst i år også!

Mobryggja er open. Det vert også ein enkel kafé i samfunnshuset med sal av is, pølser og rjomegraut.

Me voner de vil møta opp og feira nasjonaldagen!

Helsing

17.mai komiteen

- foreldre til 6. og 7.klasse -