Modalen barnehage har tre avdelingar: Eikjebakkjen for 0-2 åringar, Storfjellet for 3-4 åringar og Oddane for 5-6 åringar. Kjøkkenet vert nytta som fellesareal.  Det er i dag 40 born fordelt på dei tre avdelingane, med ein pedagogisk leiar i kvar avdeling.

Modalen barnehage arbeider ikkje etter ein spesifikk filosofi. Me trur på det positive i kvar einskild. Me legg stor vekt på visjonen vår som lyder: "Ein god barnehage der tryggleik, humor og glede står i fokus". Metoden me nyttar oss av er "De utrolige år " av Carolyn Webster- Stratton. Denne metoden har gitt oss gode resultat i samspel med  borna.

Her er eit flott uteområde, med mange nye leikeapparat og kort veg til naturområder som ligg heilt inntil barnehagen.  I tillegg har me fått oss bil som me kjører  til Mo med  nokre gongar i veka. Der besøkjer me Bryggjeslottet for å bade, gå i gymsalen eller på biblioteket.

Borna får 3 måltid for dagen, frukost, lunsj og nons. I tillegg får dei frukt kvar dag og middag annakvar veke. Når borna har bursdag bakar me rundstykker og har godt pålegg på.

 I samsvar med ynskje frå foreldra har me dette året tema Noreg og nærmiljøet. Me lærer borna om menneske som bur i Noreg, ser på globus kvar i verda Noreg ligg, lærer om nærmiljøet og kva det har å by på og mykje anna.

Barnehagen er open kvar dag kl 7.30 - kl 16.30.

De er hjarteleg velkomne til å besøkje oss for å sjå korleis me har det.