Olav Nygard året 2024

Modalen kommune ønsker å markere at det er 100 år sidan lyrikaren Olav Nygard gjekk bort, berre 39 år gamal. Han vart fødd og vaks opp på Krossen i Modalen. På denne sida finn du oversikt over kva som skjer dette året.

**Oversikt over arrangement og hendingar i 2024:**
Tid	Arrangement
11.02 kl. 14.00	Opning av Olav Nygard-året på Flodmaal
Mai	Diktopplesing
18. juni	Forelesning i kommunehuset Flodmaal i regi av Senioruniversitetet Nordhordland
Juni	Markering under Modalsdagane
22.08- 24.08	Hovudarrangement konsert med Frode Skag Storheim, boklansering med Ronny Spaans og Mona Grenasberg foredrag med Eirik Vassenden, opplesing ved Erlend Nødtvedt, Hildegunn Dale m.m.
21/9 kl. 15.00	Konsert med Dale mannskor

Olav Nygard logo, laga av Tom Mæland

Kommunen har sett saman ei arbeidsgruppe for å gjennomføre ulike arrangement i løpet av 2024.

I gruppa finn du ordførar Linda Neset, biblioteksjef Mona Grenasberg, kulturkonsulent Kent Tur Amundsen, samt Nygardkjennarane Inga Jorunn Nåmdal og Kristin Nåmdal.

Arrangementsoversikta vert oppdatert etter kvart. Har du innspel eller ønskjer å bidra? Send e-post til kent.tur.amundsen@modalen.kommune.no

Arv etter Olav Nygard på Modalen folkebibliotek

Brorsonen til diktaren, Øystein Nygard gav i si tid dåpslue, bokkiste og andre ting til biblioteket. Kravet var at tinga skulle oppbevarast i biblioteket slik at publikum kunna ha gleda av å få sjå dei. Ta ein tur innom biblioteket for ein kikk.

Klikk her for å lese meir om biblioteket.

Klikk her for å lese om dåpslua til Nygard

Modalskalendaren 2024

Kvart år deler ordførar ut Modalskalendaren til alle hustandar i Modalen. Naturleg for Nygard året inneheld kalendaren for 2024 bilete frå Modalen med dikt av forfattaren.

Klikk her for å sjå kalendaren i pdf.

Olav Nygardbu

I 2022 vart det bygd ei dagsturhytte ved Steinavatnet på Nygard. Namnet vart til etter namnekonkurranse med røysting frå innbyggjarane i kommune.

Klikk her for meir informasjon om dagsturhytta.

Flodmaal

I 2022 fekk Modalen nytt kommunehus på Mo. Inspirert av den store diktaren fekk huset namnet etter debutboka og diktet Flodmaal. Også denne gangen etter ein namnekonkurranse med røysterunde.